أروى جودة: لهذا السبب لم تتواجد أمي في عقد قراني

اوضحت الفنانة المصرية أروى جودة، سبب غياب أسرتها وأسرة زوجها عن مراسم عقد القران، وعدم ارتدائها فستان زفاف.

نشرت أروى جودى فيديو لها خلال عقد القران وطريقها للمنزل عبر حسابها بتطبيق Instagram: 'دول آخر ڤيديوهين، وتاني من أجل الناس اللي بتعشق الاسئلة الفرعية، زي ليه أهلها مش موجودين معاها و فين أهل العريس.. احنا اتعاملنا مع جوازنا في وزارة العدل انه اجراء قانوني، وأننا مش محتاجين معانا غير الشهود (المستشار حسام نجم و احمد الخواجة)، وحضور اختي كان مفاجأة ليا'.

وتابعت: 'وغير كدة، لأن ميعادنا كان الساعة ٨ الصبح، فصعب عليا اني اصحي والدتي بدري اوي كدة و والدي توفاه الله من سنة ونص.. ولكل اللي زعلوا اننا ما قلنالهمش، والله العظيم احنا معتبرين ان يوم جوازنا هيكون يوم فرحنا اللي هنحتفل معاكم بيه، وزعلكم غالي جداً علينا.. ولولا ان تم تسريب صورنا من مكتب زواج الأجانب، كنا هنحتفظ بالمعلومة لنفسنا'.

كانت أروى جودة احتفلت يوم الإثنين 20 يناير بعقد قرانها، ونشرت عبر صفحتها الرسمية في موقع التواصل الاجتماعي إنستجرام صورا من عقد القران، ولقطات مع زوجها على كوبري قصر النيل في وسط القاهرة.